Mah-E-Ramadan Bas Alvida Hai

~♥~Alvida Alvida Alvida Hai,~♥~

~♥~Mah-E-Ramadan bas alvida hai.~♥~

Dil teray aanay say motbar thay,

Noor mein dubay shaam o sehar they.

Teray janay say dil ro raha hai,

Mah-e-Ramadan bas alvada hai.

Sehri iftar qir’at tarawi,

Aur azaan e namazein o tasbeeh.

Yeh saman noori tujh say mila hai,

Mah-E-Ramadan bas alvada hai.

Rehmatoon ka tu pegham laya,

barkatoon ka tu inaam laya.

Rutba aala o afzal tera hai,

Mah-E-Ramadan bas alvida hai.

Jaam rehmat kay tunay pilaye,

Gul muradoon kay tuney khilaye.

Tu juda hum say ab ho raha hai,

Mah-E-Ramadan bas alvida hai.

Humko baykal tu paye ga kab tak,

Agar rahe zinda aglay baras tak.

Phir milein gay jo huqmay khuda hai

Mah-E-Ramadan bas alwada hai.

Chal diya hai tu jo Rab ki janib,

Ahl e Imaan kay purnam hain Qalib.

Qalb e Ishrat bhi gham say bhara hai,

Mah-E-Ramadan bas alwada hai

Alvida Alvida Alvida Hai,

Mah-e-Ramadan Alvida Alvida Mah-E-Ramadan……♥♥♥